Os relatos periodísticos que recolle Man Castro neste segundo volume de Curiosidades ferrolanas son froito dunha intensa labor de busca nas hemerotecas que permite ao autor recrear algúns episodios do pasado baseándose no que publicaron os xornais locais entre o século XVIII e mediados do XX.
Algúns destes episodios foron recollidos no blog deferrolparaelmundo.blogspot.com, pero boa parte deles publícanse neste libro por primeira vez, á espera da súa incorporación ao blog.
Como ocorreu coa publicación do primeiro volume en 2017, o obxectivo e o método de elaboración deste libro é recuperar de xornais e publicacións antigas feitos ou figuras, talvez xa apenas presentes na memoria colectiva, que constitúen a letra pequena da intrahistoria local.
